சூப்பர் சிங்கர் நிகழ்ச்சி மூலம் மக்கள் மத்தியில் நல்ல வரவேற்பை பெற்று குக் வித் கோமாளி நிகழ்ச்சியில் கோமாளியாக கலந்து கொண்டு அனைவரையும் தன் பக்கம் ஈர்த்தவர் சிவாங்கி. கடந்த குக் வித் கோமாளி 4 சீசனில் போட்டியாளராக கலந்து கொண்டு டாப் 6 இடத்தினை பிடித்தார்.இந்நிலையில் நடிகர் சந்தானம், சுரபி நடிப்பில் வெளியாகவுள்ள டிடி ரிட்டர்ன்ஸ் படத்தில் சிறு ரோலில் நடிகர் கூல் சுரேஷ் நடித்துள்ளார். தமிழ் சினிமாவில் ஏராளமான படங்களில் காமெடியனாக நடித்துள்ளவர் கூல் சுரேஷ். சமீப காலமாக இவர் டிரெண்டிங் ஸ்டார் ஆக மாறி இருக்கிறார். இதற்கு காரணம் சிம்புவின் வெந்து தணிந்தது காடு திரைப்படம் தான்.
அப்படத்திற்கும் இவருக்கும் சம்பந்தமில்லை என்றாலும், எந்த படம் பார்க்க தியேட்டர் போனாலும், அங்கு ‘வெந்து தணிந்தது காடு.. சிம்புவுக்கு வணக்கத்த போடு’ என அவர் பேசிய டயலாக் சோசியல் மீடியாவில் வைரல் ஆனதோடு, அப்படத்தின் புரமோஷனுக்கும் பெரிதும் உதவியது.அப்படம் மக்கள் மத்தியில் ரீச் ஆனதற்கும் கூல் சுரேஷ் ஒரு முக்கிய காரணமாக இருந்தார். அவர் இப்படி தீவிரமாக புரமோஷன் செய்ததை பார்த்து வியந்துபோன அப்படத்தின் தயாரிப்பாளர் ஐசரி கணேஷ், கூல் சுரேஷிற்கு ஐபோன் பரிசாக வழங்கியதோடு, அவரது குழந்தைகளின் படிப்புச் செலவை தான் ஏற்பதாகவும் அறிவித்தார்.
இதனால் நெகிழ்ந்துபோன கூல் சுரேஷ், ஐசரி கணேஷ் தனக்கு கடவுள் மாதிரி எனக்கூறி எமோஷனல் ஆனார்.தற்போது நடிகர் கூல் சுரேஷிற்கு பட வாய்ப்புகளும் குவிந்து வருகின்றன. அந்த வகையில் அவர் நடிப்பில் தற்போது டிடி ரிட்டர்ன்ஸ் திரைப்படம் தயாராகி உள்ளது. இப்படத்தில் சந்தானத்துடன் இணைந்து நடித்துள்ளார் கூல் சுரேஷ். இப்படம் வருகிற ஜூலை 28-ந் தேதி திரைக்கு வர உள்ளது. தற்போது அப்படத்திற்கான புரோமோஷன் பணிகளில் பிசியாக உள்ளார் கூல் சுரேஷ்.அந்த வகையில் நேற்று சென்னையில் போக்குவரத்து காவலர்களின்
உதவியுடன் சாலை விழிப்புணர்வு பணிகளை மேற்கொண்டு டிடி ரிட்டர்ன்ஸ் படத்தை புரமோட் செய்தார் கூல் சுரேஷ். அப்போது சாலையில் சீட் பெல்ட், ஹெல்மெட் அணியாமல் வருபவர்களிடம் கட்டாயம் அதெல்லாம் அணிய வேண்டும் என விழிப்புணர்வு ஏற்படுத்திய அவர், டிரிங்க் அண்ட் டிரைவ் செய்யக்கூடாது எனவும் கேட்டுக்கொண்டார்.இந்த சமயத்தில் அந்த வழியாக காரில் வந்த சிவாங்கியை நடுரோட்டில் மடக்கிப் பிடித்தார் கூல் சுரேஷ், அப்போது சிவாங்கி சீட் பெல்ட் அணியாமல் வந்ததை பார்த்ததும், அவரிடம் பிரபலங்களாக இருக்கும் நாமே இப்படி செய்யலாமா,
முதல்ல சீட் பெல்ட் போடு சிவாங்கினு சொல்ல, அங்கு டிராபிக் ஜாம் ஆனது. இதைப்பார்த்து பதறிப்போன சிவாங்கி, ஆள விடுடா சாமினு கிளம்ப நினைக்க அவரை செல்லவிடாமல் சாரி சொல்லிட்டு போ என கூல் சுரேஷ் சொன்னதும் வேறுவழியின்றி சாரினு சொல்லிவிட்டு கிளம்பினார். அவரிடம் டிடி ரிட்டர்ன்ஸ் பட போஸ்டரை காட்டி டிடி-னா டிரிங் அண்ட் டிரைவ், குடிச்சிட்டு வண்டி ஓட்டாத சிவாங்கினு சொல்லி நடுரோட்டில் டேமேஜ் செய்துவிட்டார் கூல் சுரேஷ்.
