நடிகர் மன்சூர் அலி கான் தற்போது சரக்கு சரக்கு என்ற படத்தில் ஹீரோவாக நடித்து இருக்கிறார். இந்த படத்தின் இசை வெளியீட்டு விழா சமீபத்தில் நடைபெற்ற போது மேடையில் நடிகர் கூல் சுரேஷ் பெண் தொகுப்பாளரிடம் எல்லைமீறியது எல்லோருக்கும் அதிர்ச்சி கொடுத்தது.’சரக்கு’ பட இசைவௌியீட்டு விழாவில் கூல் சுரேஷின் அநாகரிக செயலுக்கு கடும் கண்டனம் எழுந்து வரும் நிலையில், அவர் பகிரங்கமாக மன்னிப்பு கேட்டு வீடியோ வெளியிட்டுள்ளார்.மன்சூர் அலிகான் நடிப்பில் உருவாகியுள்ள திரைப்படம் ‘சரக்கு’. இப்படத்தின் இசை மற்றும் முன்னோட்டம் வெளியீட்டு விழா சென்னையில் நடைபெற்றது.
இதில், இயக்குநர் பாக்யராஜ் சிறப்பு விருந்தினராக பங்கேற்றார். மேலும், படக்குழுவினர் அனைவரும் அதில் பங்கேற்றனர். மேடையில் கூல் சுரேஷூம் இருந்தார். அந்த பெண்ணுக்கு கூல் சுரேஷ் திடீரென மாலை போட்டதால் அங்கு வந்திருந்த பத்திரிகையாளர்கள் கடும் எதிர்ப்பு தெரிவித்தனர். அதனால் நடிகர் மன்சூர் அலி கான் மேடையில் கூல் சுரேஷை மன்னிப்பு கேட்க வைத்தார்.இந்நிலையில் இந்த விஷயத்தை தான் விளையாட்டாக செய்துவிட்டதாகவும், அதற்காக பகிரங்கமாக மன்னிப்பு கேட்டுக்கொள்கிறேன்
என கூல் சுரேஷ் ஒரு வீடியோ வெளியிட்டு இருக்கிறார். “நான் விளையாட்டாக செய்தது இப்படி ஆகி விட்டது, அந்த பெண் பெயர் கூட எனக்கு தெரியாது. மாலை போட கூடாது என்பது அதை செய்ய பிறகு தான் எனக்கு தெரிந்தது” என கூல் சுரேஷ் கூறி இருக்கிறார். தொகுப்பாளினி கழுத்தில் மாலை போட்டது சர்ச்சை ஆன நிலையில் கூல் சுரேஷ் தன் தவறுக்கு பகிரங்கமாக மன்னிப்பு கேட்டு வீடியோ வெளியிட்டு இருக்கிறார்.
#CoolSuresh apologizes for yesterday’s #Sarakku Press meet incident.. pic.twitter.com/RLIbmVAtaj
— Ramesh Bala (@rameshlaus) September 20, 2023